Nyeem cov lus sau tseg rau koj mog

Tus kuv nco tshaj nyob tiam no
Yuav tau tso koj mus raws koj siab
Lwm tiam tshiab mam rov los nrhiav
Kuv txoj siav dai rawv ntawm koj

Ua yees yoj nyob tsis kaj  li
Xav tuag nthi los tuag tsis taus
Thiaj nyob tsaus li nciab li no
Txoj kev nco thiaj muab nthuav tawm

Lub sij hawm thaum koj nrog kuv
Es kuv thuv nrog koj txuas lus
Zoo yam tus dej txhawv ntws tau dav
Lub siab xav tias koj yog tus tseeb

Kuv thawj xeeb los nrhiav koj tiag
Thiaj nthuav kiag kuv lub plawv qhia
Koj tseem ntsia kuv tsis muaj nqi
Koj tsis ntxhi los tseem luag xwb

Ua neeg dwb kom kuv tso koj
Koj plhom moj kom kuv tseg cia
Kuv txoj sia mob ntsim heev kawg
Plawv yuav tawg vim koj tsis hlub

Txheej thaum ub koj lam ntxias kuv
Kom kuv thuv poob rau koj tsim txom
Es koj lom kuv lub siab kom lwj
puas yog os tus neeg siab hlob?