Daim ntawv nyeem

Yog muaj lwm tiam kuv thov koj hlub kuv xwb,
Yog muaj lwm tiam tiag thov koj tuav kuv tes txhob tso
Thov txhob cia kuv quaj li tiam no lawm os mog
Vim mob mob plawv lwj dhi xwb...

Thov koj hlub kuv tiag tiag li mog
Tiam no kuv yuav ua kom yog
Vim kuv hlub koj es yuav ua txhua yam kom ncaj ncees

Koj puas tseem hlub kuv mus txog 120 xyoo tiag ?
Kuv yeej hlub koj mus li
Koj txawm zoo li cas tsuav koj rub siab ntev
Wb mam sib yoog sib hlub mus tsis muaj kawg mog

Me koj txiv kuv me nplooj siab zoo
Tiam no muaj hmoo kuv thiaj ntsib koj
Tus neeg siab loj thiab nplooj siab dav
Thiab neeg txawj xav uas kuv ntshaw heev

Koj lub suab deev kuv me nplooj siab
Kuv kua muag iab thiaj poob ntws tawm
Kuv me txij nkawm tus kuv hlub tshua
Kuv xav yog cua ya cuag koj txhua hnub

Kuv lub siab kub rau koj tas mus li
Koj muaj nuj nqi rau kuv heev mog
Vim koj yog tus huab tais hauv kuv siab
Koj yog tus tshiab hauv kuv plawv

Xav tuav rawv koj nrog kuv nyob
Kom kuv txhob mob ntxiv lawm os
Nco ntsoov tos tuav rawv kuv tes mog
Yog wb tau ntog thaum twg lawm tiag

Thov koj los npliag los qhub kuv dua
Wb ua cov cua tshuab kom thoob ntiaj teb
Txawm yuav deb los wb sib nyob ze
Tuav wb npe kom ruaj nrees nawb

Me koj txiv tus hlub nco tshaj
Kuv siab kaj los yog muaj koj
Kuv rov noj qab nyob zoo tiag
Vim tus npliag kuv lub me siab
Tau nyob kiab ces yog koj xwb
Kuv tej hlwb tej tso ntshav khiav
Kuv txoj siav txoj me pas loj
Thiab plawv ntoj yog rau koj nkaus
Wb twb laus los kuv tseem khib
Tseem xav dib koj lub siab heev
Kuv xav seev thiab sau paj huam
Coj los tshuam koj txoj me kab
Kuv xab thab koj tas li xwb
Tseem nyiam dwb rau koj thiab tiag
Thiaj sawv liag los hu koj npe
Nyob koom tse los kuv yeej nco
Npaum li no vim hlib kpj heev
Muab suab seev qhia pub koj mog
Vim twb yog koj zoo tshaj nawb
Kuv thiaj tawb koj nkuj nki ne

Ua tib neeg nyob zoo li tus khaub rhuab
Saib ntuj ntsuab pom huab cua ya
Pom ntu tsha thiab pom ntuj ntxoov
Tawm nraum zoo twb tsis pom koj
Saib me nroj thiab me tsuag hlav
Nco ntuj tshav tawm ntuj nag
Nco koj tag nrho kuv nplooj siab
Thiaj muaj txiab mob thawj niaj
Ua nruj nriaj mus thawm xyoo
Thiaj muaj nroo mus tas sim neej
Luag thiaj xyeem tias neeg toob nkeeg
Luag tsis ntseeg tias txawj mob
Cas phej nyob tsua pom pw
Me ntsuj xyw luag tsis nrhiav neeb yaig saib li os...

Lub ntuj nco lub ntiaj teb heev
lubntuj thiaj ua nag poob teev
lub ntuj hlub thiab nco lub ntiaj teb dhau
es lub ntiaj teb puas pom thiab puas hnov tau

Ntiaj teb muaj niam dej hiavtxwv dub
me tsiaj nruab deg thiaj tau kev sib hlub
ntiaj teb muaj zoo hav zoov nuj txeeg dub
me tsiaj txhu nruab nqhuab tau noj sib pub

cas hauv kuv nrog cev twb muaj koj nrog nraim
cas koj lub me cev zeej xeeb twb ncaim
hauv koj lub cev puas muaj kuv nrog
Ua cas kuv ho mob muag pom daj pe vog

Koj tseem nco tseem hlub kuv thiab
Los koj twb tshem tawm kuv tus ntxhiab
Los yog koj tseem tshua kuv hauv koj siab
Kuv thiaj mob ib sij muaj txiab

Yog koj tsis rov los hlub kuv dua
Yog koj tsis los qhia kuv tias koj tshua
Yog koj tsis los ua kuv cov huab cua
Ntshai kuv nplooj siab yuav phua

Thaum tsis nco koj kuj nyob twj ywm
Thaum nco koj tuaj ua pa yuav luag tsis tshwm
Thaum tsis tshua nco koj yeej hnov me cua kub lwm
Thaum nco koj tuaj yeej yuav tuag li tus neeg vwm

Thaum nco koj ces siab mob ntsim hlua li dej kub hlab
Thaum tsis nco qab ces kuj nyob zoo noj tau qab
Thaum hnov nco koj heev tuaj ces hnob mob heev kuv plab
Thaum nyob li no ces kuv nyob ib sab neej nrog ib sab dab

Nco koj npaum li no lawm os koj twb tsis pom txog
Ntawm kuv lub zeej muag ces pom hnub qub ya pe daj pes vog
Pob ntseg ces txhaw loog li neeg muab ab tsi npog
Yog koj paub hnov no rov los rau kuv kom txog

Vim nco koj heev li os me koj txiv aw
Koj lub chaw tseem nyob sov so
Txoj kev nco tseem muab tos koj
Ua sib loj tseem xav txog koj xwb
kuv lub hlwb ces yuav puas mus
Siab tsis tus ua kuv quaj mob heev
Thiaj tau seev seb koj puas hnov
Thov tig rov los hlub kuv dua
Tus kuv tshua yog koj ib leeg
Koj yeej ntseeg thiab paub tseeb lawm
Rov los cawm koj seb niam niam nkauj npaub
Koj yog tus paub tias wb sib hlub loj npaum cas os

Mekojtxiv kuv hlub nco tshua koj ib leeg
koj yeej hnov ntsoov tias kuv nco koj
mob siab mob ntsws mob yuav tuag
yus lub kuamuag yeej yaj tsis taus poob tdis tshwg tej nroj tsuag
tuag tsis tau ploj tsis tau
nplooj siab nphau
koj hloov dua siab koj zais dua hneev
zaum no ces yuav cia kuv tus ntsuj duab ua ntsuag
mob siab yuav tuag los koj tsis rov los lawm
me nkauj ntxawm ces rov ua dev puab rooj
tus neeg kuv hlub aww tav twg kuv mam rov qab ntsib koj dua os
ntshe tshuav koj daim duab ua kuv luag lam xwb os
Thov mus zoo koj mog tus kuv nco
thov kom koj lub mus nyob kaj nrig
zaum no ces koj nco kuv koj yuav hnov kuv
kuv ces nco koj ces nyob quaj pos nuag ntis tsis pom koj xwb
lub kua muag yuav poob ntuj nthav rau txhua txoj kab
vim kuv tus khub yeej mus hlub lwm tus lawm
Tiam no kuv yuav ua li cas thiaj tshem tau koj ntawm kuv siab tawm os
kuv yuav faib li cas kuv cov roj ntsha thiaj yuav lim koj tau tawm ntawm kuv mus os
tiam no yeej tsis sib tau yog koj tuag ua ntej nco ntsoov tos kuv pem kev khaub lig

Puas yog kuv tseem tab tom ua npau suav tias kuv caum cuag tus kuv ib txwm nrhiav ?
Puas yog kuv lub siab tab tom pom tus neeg hlub kuv ib txhis lub nplooj siab?
Nws puas yuav ncaj ncees tiag pub rau kuv ntxiv lawm, kuv txoj kev cia siab puas yuav muaj tseeb rau tiam tom ntej mus?
Thov kom lub ntuj lub teb tsom hwm txog kuv nplooj siab nrog wb txoj kev hlub thiab nws nplooj siab kom nyob tus li yees tsis txhob txhaum ua txoj kev ncaj ncees nyob tau sib ntsib txhua zaus sib pab sib txhawb rau ntiaj teb txoj kev kaj siab.
Xav kom muaj txoj kev hlub mus raws kuv thiab nws lub siab ntshaw.
Tiam no cia sib cuag ua phooj ywg, lwm tiam thov sib ntsib sib hlub ua ib tug, tsis pub leej twg los rhuav los tshem ib zaug ntxiv li lawm.
Vim txoj kev mob siab mob heev li, tsis tau ntsib dua txoj kev mob ntawm nov li.
Kuv thov kom yawm xob thiab cov niam cov txiv ncaj ncees rov pub kuv teej kuv tug rov nqis los rau kuv. Kuv thov kom kuv tus txuj sawv kom nto ntuj. Kuv yuav xyaum coj lub siab ncaj ncees dawb huv....

Ua cas yuav mob kuv nplooj siab yuav tuag los tuaj tdis taus txoj pa ho tsis yaj tseem nyob zoo li tus neeg raug qha qhuav cas yuav txom nyem kuv lub siab tag npaum no li ed yuav ua zaj twg kom hnov qab tau kuv txoj kev hlub koj os.... Thaum twg mam rov tau ntsib tus neeg kuv ib txwm hlub tshua dua os niam thiab txiv e.... Cas nyuaj rau kuv lub siab tos nws ua luaj li os....kua muag ntws si txhua txhua hnub hmo thiab txhua lub sij hawm thaum lub hli nra thiab thaj chaw wb rov sis ntsib thawj zaug tham luag ntxhi ua rau me kab xianiam xiv luj laws tu siab tshaj vim tsis muaj koj nypb qhov twg os kuv me nplooj siab
yuav vwm nco koj ua luaj es kuv tshuav koj nqi qhov twg kuv thiaj raug tsim txom mob tag npaum no. Puas tsim nyog kuv nrhiav thiab tos koj ntau tiam npaum li no os...

Yog tsis muaj puav pheej tseg ces kuv thiab koj yeej tsis sib nrhiav lawm os mog
Txawm yuav zoo li cas los mam rub siab kom ntev, tshuav ib tiam lawm xwb twb yuav tas txoj kev yus tau them nuj them nqi rau lub ntiaj teb no lawm os

Ib sim neej-----------koj yuav hlub xwb
Tsis puas hlwb-------rau leej twg li
Koj yuav ntxh------- pub kuv ib leeg
Kom kuv ntseeg-----wb txoj kev hlub

Koj yuav pub-------- rau kuv txhua yam
Yuav tsis plam-------tsis nrug li no tiag
Koj xub ntiag--------kuv pw tas li
Yuav nyob ti---------kuv mus ib sim

Koj tsis dim---------ntawm koj tus kheej
Koj tsis xyeej-------kuv txawm yuav laus
Kuv tsis taus--------koj mam ev xwb
koj xwb qwb-------- cia kuv mam caij

Koj taij taij---------thiaj cia koj hlub

Yog muaj dua ib zaug ntxiv cia kuv mam rov hlub koj dua
Kuv yuav hlub tshua tsis pub koj ntshaw leej twg hlo li
Hlub mus li yuav ntxhi mus ib txhis

Kuv hlub koj

Yam zoo tshaj yog txoj kev ruaj siab
Tab sis mob lub siab kawg
cas cua ho tuaj ntsawj kuv nplooj siab mob
nws twb tsis nrog kuv nyob
nws tsuas los ntsawj kuv siab
nqa nws tus ntxhiab
rau kuv hnia ib pas nwsd twb yaj ntshis
ua rau kuv rov nco nws mus ib txhiab ib txhis
ntshe nws tsuas tshwm ib vuag dua
thiaj mob mob kub ua rau kuv nplooj siab phua
kuv tsis muaj lub chaw tsaws
mob kuv nplooj siab lwj aws
xav thim los thim tsis tau
ua zaj twg los tseg tsis tau txoj kev nco koj dhau
cas yuav tu siab mus txog hnub twg ntxiv
mam dhau txoj kev mob no nas me koj txiv